د باختر انسټیټیوټ په مدیریت کې هغه ښځې او نارینه فعالان شامل دي چې په افغانستان کې په ځانګړې توګه په تیرو لسو کلونو کې د ښځو د پیاوړتیا او د بشري حقونو د پام وړ پروګرامونه او پروژې رهبري او مدیریت کړي دي. زموږ همکاران په افغانستان کې د هغو پروژو په طرحه کولو او ترویج کې لاس په کار دي چې ټولنیزې ستونزې لکه د ښځو ځورول، تاوتریخوالی، ناوړه ګټه اخیستنه او شکنجې یې حل کړي دي. نومورٍي اشخاص په تيرو کلونو کې په نړيواله کچه د ښځو او بشري حقونو په پروګرامونو او پروژو کې هم استازيتوب کړي دي. 

1. په افغانستان کې د اروپايي ټولنې او المان د حکومتونو لپاره د ښځو د پیاوړتیا د پروګرامونو او پروژو طرح کول او هڅول؛ 

2. په افغانستان کې د ښځو او بشري حقونو د ملاتړ پروګرامونو پلي کولو کې د اسانتیا لپاره په افغانستان کې د فعالو سازمانونو سره د اتحاد جوړول؛ او، 

3. په آلمان کې د افغان مهاجرینو ښځو او ځوانانو لپاره د مدني حقونو د پوهاوي کمپاین طرح کول او پلي کول.